Ghazal web

د حيات الله څرک غزل

21.10.2011 21:01

زړه مي دی ډک له مینی ځکه یاره

رانه هیڅوک نه کوي کرکه یاره


ستا په لیدو سي رانه سمه ماته

زما توبه څومره نازکه یاره


هغه چي تا به ویل خوله درکوم

هغه خبره دي کړه ورکه یاره


چي مي د کور ښکلا اسمان ته رسي

زما خو هم پلار سته هم مورکه یاره


په بسم الله یې ښکل کړه دوه اننګي

راسه دا یو ثواب خو وکه یاره


چي د پښتون د زړه ټکور وي داسي

خلک اوس ډېر کم دی پر ځمکه یاره


درسره ډېره زیاته مینه لرم

راته هغې ویله څرکه یاره

 


ستاسو تبصره


لطفاً لاندې افغانستان په انګليسي تورو وليکئ.
Noorulbari Mal

Create Your Badge