Ghazal web

د عطا محمد بېباني يو په زړه پورې طنزيه غزل

13.06.2012 20:08

سور او سپين رنګه پشمک دی زما شعر
خوندور لکه جوشک دی زما شعر 


اوږدواله او برواله يی مساوی دی 
چارکونجه لکه تلتک دی زما شعر 


دمغلو ککرۍ په ورپکې لغړی 
خطرناک لکه کوږک دی زما شعر


دبلبل دخوښی ګل ورپکې کی نسته 
سپېره ډاګ لکه بولدک دی زما شعر


که هر څونه دالهام دام ورته کښېږدې 
وه بې نه نسې کرک دی زما شعر

 
دالهام په کرونده کی می کرلی 
يخ وهلی تر تېزک دی زما شعر


تل د ذهن په تاخچه کی پسی ګرځم 
(بېباني ) راڅخه ورک دی زما شعر

 

 


ستاسو تبصره


لطفاً لاندې افغانستان په انګليسي تورو وليکئ.
Noorulbari Mal

Create Your Badge